خاشقجی کا قتل ، سعودیہ پر دباؤ بڑھ گیا، امریکہ ،فرانس اور جرمنی کے بعد کینیڈا نے بھی بڑا فیصلہ سنا دیا

اوٹاوا(آئی این پی)امریکا، فرانس اور جرمنی کے بعد کینیڈا نے بھی سعودی صحافی جمال خاشقجی کے قتل میں ملوث 17 سعودی شہریوں پر مالی اور سفری پابندیاں عائد کردیں۔بین الاقوامی خبر رساں ادارے کے مطابق بیونس آئرس میں جی 20 اجلاس سے قبل پریس کانفرنس کرتے ہوئے کینیڈین وزیر خارجہ کرسٹیا فری لینڈ کا کہنا تھا کہ جمال خاشقجی کے قتل میں ملوث 17 سعودی شہریوںکے کینیڈا میں موجود اثاثے منجمد کردیے جائیں گے اور ان کے کینیڈا میں آنے پر بھی پابندی ہوگی۔انہوں نے یہ بھی کہا کہ قتل میں ملوث افراد کو کیفر کردار تک پہنچایا جانا چاہیے۔واضح

رہے کہ سعودی صحافی جمال خاشقجی کو 2 اکتوبر کو ترکی میں سعودی قونصل خانے میں قتل کیا گیا تھا، سعودی عرب نے قتل میں ملوث 21 افراد کو حراست میں لے کر 5 کو سزائے موت سنا دی ہے۔

Leave a Reply

Your email address will not be published. Required fields are marked *

*