سب سے کم میچز میں 200وکٹیں ،یاسر شاہ 100 سالہ ریکارڈ اپنے نام کرنے کیلئے صرف2وکٹوں کی دوری پر،فوادچوہدری کو بھی بے صبری سے انتظار ، جادوگر سپنر سے متعلق کیا کچھ کہہ دیا؟

اسلام آباد(آئی این پی)وفاقی وزیراطلاعات فواد چوہدری نے قومی ٹیم کے لیگ اسپنر یاسر شاہ کی کارکردگی کو سراہتے ہوئے کہا ہے کہ پوری قوم یاسر شاہ کے ریکارڈ کا انتظار کررہی ہے۔وفاقی وزیر اطلاعات فواد چوہدری نے ٹوئٹ کیا ہے کہ ویسے تو تمام ریکارڈ ہی اہم ہوتے ہیں مگرجب سوسال پرانا ریکارڈ ٹوٹے تو کیا ہی بات ہے۔ انہوں نے مزید لکھا پوری قوم یاسر شاہ کے ریکارڈ کا انتظار کررہی ہے یہ پاکستانی کرکٹ اور یاسر دونوں کےلیے ایک سنگ میل ہے۔واضح رہے کہ یاسر شاہ کم میچز میں 200 وکٹیں لینے سے صرف 2 وکٹ کی

دوری پرہیں۔ انہوں نے 33 ٹیسٹ میچز میں 198 وکٹیں حاصل کی ہیں۔ یہ ریکارڈ اب تک آسٹریلیا کے لیگ اسپنر کلیری گریمٹس کے پاس ہے جنہوں نے 36 ٹیسٹ میچز میں 200 وکٹیں حاصل کی ہیں۔آئی سی سی کے جاری کردہ اعدادوشمار کے مطابق لیگ اسپنر یاسر شاہ نیوزی لینڈ کے خلاف دبئی ٹیسٹ میں 14 وکٹیں حاصل کرنے کے بعد ٹاپ 10 میں جگہ بناتے ہوئے نویں پوزیشن پر آگئے ہیں۔

Leave a Reply

Your email address will not be published. Required fields are marked *

*