مصباح الحق قائد اعظم ٹرافی کی تاریخ میں سب سے طویل العمر قیادت کرنیوالے کپتان بن گئے

کراچی(این این آئی)قومی ٹیم کے سابق کپتان مصباح الحق قائد اعظم ٹرافی کی تاریخ میں سب سے طویل العمر قیادت کرنے والے کپتان بن گئے۔یو بی ایل اسپورٹس کمپلیکس کراچی میں ملک کے سب سے بڑے ڈومیسٹک ایونٹ قائد اعظم ٹرافی کرکٹ ٹورنامنٹ کے فائنل میں سوئی ناردرن کی کپتانی مصباح الحق نے کی۔ اس طرح وہ قائد اعظم ٹرافی کی تاریخ میں سب سے طویل العمر قیادت کرنے والےکپتان بن گئے ہیں۔ مصباح الحق نے یہ اعزاز 44 برس 190 دن کی عمر میں فائنل میں اپنی ٹیم کی کپتانی کرتے ہوئے حاصل کیا۔اس سے قبل ملک کے سب

سے بڑے ڈومیسٹک ایونٹ میں معمر کپتان ہونے کا اعزاز محمد سعید کے پاس تھا، انہوں نے یہ اعزاز 1954 میں بہاولپور کے خلاف پنجاب کی قیادت کرتے ہوئے اپنے نام کیا تھا، اس وقت محمد سعید کی عمر 43 سال اور 147 دن تھی۔

Leave a Reply

Your email address will not be published. Required fields are marked *

*